Around GMA

Article Inside Page

Kapwa grateful ang ex-PBB housemates na sina Vince Maristela at Ralph de Leon sa tuloy-tuloy na blessings at opportunities na dumarating sa kanilang buhay, limang buwan matapos ang Pinoy Big Brother: Celebrity Collab Edition.

Sa pakikipagkuwentuhan sa King of Talk na si Boy Abunda sa programang Fast Talk with Boy Abunda ngayong Huwebes (December 11), ibinahagi ni Vince kung gaano siya nagpapasalamat sa sunod-sunod na blessings na kanyang natatanggap.

"Ako, Tito Boy, grabe sobrang daming opportunities lang," sabi ni Vince. "Sobrang daming blessings, at sobrang grateful lang talaga ako sa lahat ng natatanggap ko.

"Alam mo 'yon ito 'yung panahon na para i-cherish lahat ng moment. Bawal magreklamo kasi hiniling namin 'to. Masaya lang din talaga na proud sa akin 'yung family ko. Iyon na nga 'yung Christmas gift na gusto ko."

Tulad ni Vince, masaya rin si Ralph sa lahat ng blessings na dumarating sa kanyang career, lalo na ang kanilang upcoming MMFF 2025 movie na Love You So Bad, na pagbibidahan nina Will Ashley, Dustin Yu, at Bianca De Vera.

"Same, Tito Boy. The blessings just keep coming. Feeling ko sa lahat po ng ginawa namin over this past five months, nothing beats the Christmas rush po talaga, na tuloy-tuloy, lalo na we're promoting [Metro] Manila Film [Festival] movie. Actually, this will gonna be my first movie, Tito Boy. Sobrang saya ko po to be part of Love You So Bad," masayang sabi ni Ralph.

Abangan sina Vince Maristela at Ralph de Leon sa Love You So Bad na mapapanood na sa mga sinehan simula December 25.

Related content: 'Love You So Bad' stars come together for Media Night and Trailer Launch