Muling magtatambal sina Carla Abellana at Gabby Concepcion para sa Christmas special episode ng Karelasyon na mapapanood ngayong Sabado, December 3.
Excited sa kanilang mala-reunion na pagganap ang dalawang Kapuso artists na huling nagkasama sa Because Of You.
Ani Carla sa panayam ng 24 Oras, “Kahit papano after Because Of You, may chance kami ulit makapag-work ni Boss Yummy.”
“Nagulat nga ako. Sabi ni Carla, six months na [nakalipas] eh. Akala ko parang kahapon lang,” dugtong naman ni Gabby.
Ito ang ikalawang pagkakataon na aarte si Carla sa kanyang hino-host na programa. Sambit niya, tiyak na marami rin daw na makaka-relate sa kanilang kuwento.
“Bakit kami nagsisimbang-gabi? Siyempre para makapag-wish kami kay Lord ‘di ba. So may kanya-kanya kaming wish dito, tapos ‘yun nga may common factor silang dalawa, ‘yung character. So at least, makaka-relate ‘yung mga viewers,” bahagi niya.
Bukod kay Carla, muling nakapiling din ni Gabby ang kanyang anak na si Cloie Syquia Skarne nang sumabak ang dalaga sa Miss Earth beauty pageant na ginanap dito sa Pilipinas.
Kuwento ng aktor tungkol sa kanyang anak, “Happy ka kasi nagagawa nila ‘yung... nagsu-survive sila. Happy sila sa nagagawa nila and they’re successful. ‘Yun lang, panalo na ‘yun.”
Video courtesy of GMA News
MORE ON CARLA ABELLANA AND GABBY CONCEPCION:
WATCH: Carla Abellana, pinangunahan ang blood-letting activity sa kanyang alma matter
READ: Gabby Concepcion, first time na bibida sa isang Afternoon Prime series
