Around GMA

Article Inside Page

Nagtipon-tipon kagabi (January 30) ang mga kaanak, kaibigan at mga katrabaho ng award-winning director na si Direk Maryo J. Delos Reyes sa kanyang burol sa Loyola Memorial Chapels sa Quezon City.

Emosyonal ang mga tao sa pagbisita nila sa yumaong batikang direktor na matatandaang mabait, masayahin at mahusay sa kanyang propesyon.

Naluluhang nagpa-interview si Kapuso star Yasmien Kurdi na nagkuwento ng kanyang mga karanasan kasama si Direk Maryo.

Aniya, “Honored ako na na-shoot niya pa ‘yung pilot episodes namin ng Hindi Ko Kayang Iwan Ka. Hindi ko alam na ‘yun na pala ‘yung isa sa mga huling obra niya. Sabi ko sa kanya, ‘Oh, Direk, iniwanan mo na kami. Hindi mo na kami love eh.’ Tapos sabi niya, ‘Hoy, hindi! Hayaan mo, tututukan ko ‘yung editing.’ So I guess kahit iniwan na tayo ni Direk Maryo, nararamdaman ko na hindi niya pa rin kami iiwan dahil nandun pa rin siya all throughout the show.”

Nagpapasalamat naman ang aktor na si Gabby Eigenmann sa parangal na kanyang natanggap noong nakatrabaho niya ang direktor. Saad niya, “My first acting award was with him eh [sa] Munting Heredera so medyong malaking pasasalamat ko sa kanya because he’s one of the few who would entrust the belief na kaya ko at gusto niya ang ginagawa ko.”

Nagpapasalamat din si Kapuso hunk Rocco Nacino sa tiwala na ibinigay sa kanya ni Direk Maryo sa kanyang pinakaunang teleserye pagkatapos ng StarStruck V.

Kuwento niya sa Unang Hirit, “Si Direk Maryo was actually my mentor when I started. Nagsimula iyan [noong] may 40-day workshop kami sa GMA. [After nun], pinull out ako ni Direk Maryo para isabak agad sa teleserye niya, ‘yung Gumapang Ka Sa Lusak. Alam mo iyon, nagtiwala sa akin si Direk Maryo at talagang binigyan niya ako ng oras at effort para i-guide.”

Salamat at paalam, Direk Maryo.