Around GMA

Article Inside Page

Marami ang naantig sa litrato ng isang lalaking naaksidente habang naglalako ng binatog. Sa Kapuso Mo, Jessica Soho, ipinakita ang sinapit ni Mamang Binatog o Tatay Pido. Na-litratuhan na nagpupulot siya ng mga natapon na paninda matapos mabangga at takbuhan ng isang tricycle.

Nag-viral kaagad sa social media ang kaniyang litrato, at marami ang nagalit at naawa sa nangyari kay Tatay Pido.

Magsisimula pa lang daw sana magtinda ang 58-anyos na si Tatay Pido noong July 20, nang bigla na lang may tricycle na bumangga sa kanya.

Kuwento ni Tatay Pido, 'Nung pagkatumba ng bike ko, taob na 'yung binatog ko 'doon sa may kalsada. Masamang-masama ang loob ko dahil kasama ko 'yung apo ko at natumba kaming dalawa."

Sinubukan pa raw ni Tatay Pido na habulin ang tricycle, ngunit humarurot lang ito. Mabuti na lang at may mga mabubuting loob na tumulong sa kaniya.

Makuha pa kaya ni Tatay Pido ang hustisya? Alamin sa KMJS:

Video from GMA Public Affairs