Kamakailan ay kumalat ang larawan ng beteranong aktor na si John Regala sa social media. Sa nasabing larawan, nakahandusay ito sa hagdan na tila walang malay.
John regala inatake sa savemore sa sapote kanina ..
Posted by Bhadloy Lopez on Thursday, February 16, 2017
Ayon sa mga naunang balita, inatake raw sa tapat ng isang grocery store sa Zapote ang aktor.
Nitong Pebrero 19, sa nakaraang episode ng Kapuso Mo, Jessica Soho, nagpaunlak na ng interview ang aktor.
"Opo, ako 'yan...Hilong-hilo ako niyan tapos nangatog ang tuhod ko, hindi ko maihakbang," paliwanag ni John.
Pabalik na sana ang aktor sa tinutuluyang hotel nang mawalan siya ng malay.
"Bumaba ako para bumili sa isang convenience store. Sobrang init nung tanghali na 'yon. Pabalik na akong ganon, biglang umikot ang paningin ko. So umupo ako, biglang nag-pass out talaga ako."
Pero nilinaw ng aktor na hindi siya inatake sa puso. "Hindi ako na-stroke, hindi po ako inatake sa puso, malakas po ako."
Ang duda ng aktor, bumaba ang kanyang sugar level dahil sa kanyang diabetes.
Samantala, nag-alala din ang ina ng aktor, ang dating aktres na si Ruby Regala. "Nung nalaman ko nga iyon, makita ko...ayun sinita ko nga bakit 'di ako tinawagan sana kako dumiretso ako sa'yo mula sa trabaho. e ayaw niya kasi akong nag-aalala."
Ayon pa sa ina ng aktor, kabilang sa iba pang karamdaman ng aktor ay arthritis, gout, at sakit sa puso.
To watch Kapuso Mo, Jessica Soho interview, please click below.
RELATED CONTENT:
John Regala, ibinahagi kung paano tinalikuran ang pagkalulong sa iligal na droga
