Around GMA

Article Inside Page

Hindi madali ang maging isang single parent—iyan ay ayon kay Queen of All Media Kris Aquino na tumatayong ina at ama nina Josh Aquino at Bimby Aquino-Yap.

Hiwalay na si Kris sa biological fathers ng kanyang mga anak na sina Philip Salvador at James Yap at mula noon ay siya na ang nagpapalaki sa kanyang mga anak.

Payo ng queen mother, “Kung kaya pang ayusin at meron pang love na natitira, but more than that, kung may respeto pa, fix it. Fix it while you still can. You’ll do that because you love your kids. It’s not easy, and our children deserve talaga na there are two parents. If it cannot work, strive for peace. Siguro mahirap talaga kasi minsan [ang] dami mong pinagdaanan [at] marami na kayo nasabi sa isa’t isa pero if you love your kids, then you will try your best.”

Aminado si Kris na mahirap sa kanya ang pagpapakumbaba pero, “If it takes humbling yourself for the kids, do it.”

Kung hindi na talaga masalba ang relasyon, “The best option there for all the single parents is to make the children feel that they don’t have to take sides, that they are loved by both.”

Para naman sa mga nakaka-relate sa mga pinagdaanan ni Kris, “Kung kagaya niyo ako, and you are a single mom, and this Father’s Day is not an easy day for you, continue to work hard because iba naman talaga ang nagagawa ng financial independence.”