WATCH: Kris Bernal at Megan Young, may tip para sa 'Starstruck' hopefuls
Around GMA
Around GMA
Beachgoer sa San Juan, La Union, nasagip mula sa pagkalunod | One North Central Luzon PCO exec Claire Castro reports ‘grave threats’ by FB page to NBI Check out this newest one-stop lifestyle store in MakatiArticle Inside Page
Showbiz News
Ayon kay Megan Young, nagamit din niya ang mga natutunan sa 'StarStruck' sa Miss World.
Excited na ang StarStruck alumni na sina Kris Bernal at Megan Young na mapanood ang panibagong season ng hit reality show.
Dahil dito, nagbigay sila ng kani-kaniyang tips para magwagi ang StarStruck hopefuls ngayong taon.
Payo ni Megan, i-absorb lang ang lahat ng matutunan sa Kapuso artista search dahil, base sa personal experience, nadala raw niya ito 'di lamang sa pag-aartista kundi pati na rin sa Miss World.
“Dahil sa paggawa namin ng lahat ng iyon, madi-discover mo rin kung ano dun 'yung pinakagusto mo, kung gusto mo ba talaga siya o hindi.
“Mate-test mo 'yun kasi bata ka pa, e, at nagdi-discover ka pa kung ano 'yung mga bagay bagay na gusto mo sa buhay,” sabi ni Megan, na kasama sa top six contenders ng second season ng StarStruck.
Para naman kay Kris, importante na ibigay ng hopefuls ang kani-kaniyang best sa bawat challenge.
“Siguro talagang ibigay mo lang 'yung 100% mo.
“Kasi ako, I auditioned na hindi ako sumasayaw at hindi ako kumakanta.
“Lagi lang ako nasa baba. Siguro nakita nila na palaban ako,” sabi ni Kris, na kasama naman sa top six hopeful ng StarStruck: The Next Level (season four).
Panoorin ang buong chika ni Nelson Canlas:
