Mula nang maging magkasintahan sina Mark Herras at Wyn Marquez, marami na raw silang nadiskubre tungkol sa isa’t isa. Handa na kaya silang i-level up ang kanilang relationship status?
Ibinahagi nina Mark at Wyn ang kanilang natuklasan sa isa't isa.
Sambit ng aktor sa panayam ng 24 Oras, “Very serious na tao. I mean lahat, pagdating sa lahat ng mga bagay, talagang sineseryoso niya lahat ng ginagawa niya, sa pag-aaral niya, like sa trabaho niya.”
“Nagulat ako doon na as a guy, mahilig siyang magluto. Mahilig niya akong lutuan, padalan ng baon,” dugtong naman ni Wyn.
Ayon din sa ulat ni Lhar Santiago, ibayong suporta ang binibigay ng magkasintahan sa isa’t isa hindi lamang sa kanilang relasyon ngunit pati sa kanilang career.
Ani Mark, “For example, I have a workshop for this project. Minsan parang ayaw mong gawin, pero like ginagawa namin sa isa’t isa, ‘Hindi, gawin mo na ‘yan. Sayang naman.’”
Paliwanag din ni Wyn, “I think more on words. I think powerful naman din ang words pag nire-remind mo ‘yung isang tao na kailangan niya gawin ‘to for his career, for the future, everything.”
Aminado ang dalawa na napag-uusapan na rin nila ang kanilang kasal.
Wika ng aktres, “Hindi na kami teenager and I think it’s just right to talk about the future kaysa naman maglaro-laro pa kami.”
“Pinag-uusapan namin, getting married after ilang years, ‘di ba. Or having a family pagdating ng ganitong panahon,” dagdag naman ni Mark.
MORE ON MARK HERRAS AND WYN MARQUEZ:
WATCH: Mark Herras, itinangging buntis si Wyn Marquez
READ: Mark Herras, nilinaw na hindi pa sila engaged ni Wyn Marquez
LOOK: Mark Herras and Wyn Marquez are lovers in Japan
