Around GMA

Article Inside Page

Nagpaalam na ang binansagang 'Mr. Hips' ng The Clash na si Marlon Ejeda matapos matalo sa tapatan nila ng kanyang kaibigan na si Lorraine Galvez sa Matira ang Matibay round ng singing competition.

The Clash 2019: Marlon Ejeda showcases versatility with his performance of "Here I Am" | Top 16

Alinsunod sa mechanics ng kompetisyon, kinailangang maglaban nina Marlon at Lorraine dahil sila ang pares na natalo sa Pares Kontra Pares round.

The Clash 2019: "Never Too Much" by Lorraine Galvez and Marlon Ejeda | Top 16

Sina Jeremiah Tiangco at Nef Medina ang nagwagi sa naturang round.

Sa panayam, hindi napigilang maging emosyonal ni Marlon dahil naudlot ang kanyang pagtungtong sa Top 12.

Gayunpaman, hindi naman daw nasayang ang kanyang pagluwas sa Maynila mula Misamis Oriental dahil marami siyang natutunan at nagkaroon siya ng maraming kaibigan.

Sambit ng 18-year-old The Clash hopeful, "Sobrang saya po kasi ang dami kong natutunan at ang dami kong naging kaibigan. 'Di rin po nasayang 'yung pagpunta ko rito, 'yung pagsali ko sa The Clash."

Nagpasalamat din si Marlon sa lahat ng kanyang mga tagahanga at mga sumuporta sa kanyang The Clash journey.

Pahayag niya, "Gusto ko lang po magpasalamat sa lahat ng sumuporta sa 'kin d'yan po sa Mindanao, sa pamilya ko po, sa mayor po namin na tumulong po sa 'min na nagsagot po ng plane ticket ko po pagpunta rito."

Panoorin ang exit interview ni Marlon dito: