Around GMA

Article Inside Page

Bumuhos ang luha ng Asia's Songbird Regine Velasquez-Alcasid sa 6th anniversary ng Sarap Diva.

Inisa-isang pinasalamatan ng OPM singer ang mga GMA Network boss niya para sa lahat ng opportunities at ginawang pag-aalaga nito sa kaniya.

Taos-puso ang pasasalamat ni Ms. Regine kina GMA Chairman and CEO Atty. Felipe L. Gozon, GMA President and Chief Operating Officer Gilberto R. Duavit, Jr.

Pinasalamatan din niya ang Kapuso lady executives tulad nila Ms. Lilybeth Rasonable at Ms. Redgie Acuña-Magno.

Wika ni Regine, “Thank you Ms. Darling for all the opportunities that you have given me. Itong sina Mam Lilybeth [Rasonable], sila Redgie [Acuña-Magno]. All my boses siyempre ang aking mga boss talaga 'yung mga top.”

“Si Mr. [Felipe] Gozon at saka Sir. [Gilberto] Duavit. I have stayed here for two decades, maraming-maraming salamat po sa tiwalang ibinigay n'yo sa akin and for taking good care of me.”

“And thank you for being lenient with me at times nung time na kinailagan kong magpahinga kasi nabuntis ako, hindi nagdalawang isip. Talagang hinayaan lang ako magpahinga. And most of all 'yung second mom ko si Ms. Wilma [Galvante].”

Nakaka-iyak din ang naging mensahe ng Asia's Songbird para sa lahat ng staff na bumubuo sa Sarap Diva.

“Most of all, hinuli ko talaga 'yung staff ko at 'yung writer ko. Like I said I'm sure hindi ako perfect na katrabaho, I'm sure mayrun mga times na nabubuwisit kayo sa akin, so pasensya.”

“Tao lang minsan, may dinadala, but na-appreciate ko kayo. I have six years of wonderful memories of Sarap Diva. I love everyone that I worked with here.”