'What's Wrong with Secretary Kim,' ngayong December 19 na sa GMA
Around GMA
Around GMA
Welcome everyone to the church, says Cardinal Advincula Lalaki, nakuhaan sang video nga nagapangawat sa abandonado nga balay sa Bacolod| One Western Visayas Heart Evangelista is cool and chic in baggy pantsArticle Inside Page
Showbiz News
'What's Wrong with Secretary Kim' kasama sina Park Seo-joon at Park Min-young, mapapanood na ngayong December 19 sa GMA.
Mapapanood na sa GMA ang isa sa major hit Korean dramas of 2018 na What's Wrong with Secretary Kim simula ngayong Lunes, December 19.
Ang nasabing series ay pinagbibidahan ng tinaguriang 'Master of Romantic Comedy' at award-winning South Korean actor na si Park Seo-joon kasama ang 2019 Asia Celebrity Award winner at South Korean actress na si Park Min-young.
Iikot ang kuwento ng naturang romantic-comedy series sa ubod ng guwapo pero demanding na bossing ng isang major corporation na si Franco Lee (Park Seo-joon) at sa kanyang reliable at highly-capable na secretary na si Macy Kim (Park Min-young).
Isang araw, magugulo ang mundo ni Franco nang magpaalam si Macy na magre-resign na siya sa kanyang trabaho bilang kanyang secretary matapos ang siyam na taon.
Dahil dito, gagawin ni Franco ang lahat upang mapigilan si Macy. Lingid sa kanyang kaalaman, may mahalagang bagay pala na gustong gawin si Macy kung kaya't nagdesisyon siya na tumigil na sa kanyang trabaho. Ito ay ang hanapin ang taong tumulong sa kanya noon sa isang traumatic experience.
Mapigilan kaya ni Franco si Macy sa kanyang planong resignation? Mahanap kaya ni Macy ang taong noon ay nagligtas sa kanya?
Abangan ang nakakakilig na kuwento nina Franco at Macy sa What's Wrong with Secretary Kim ngayong Lunes na, December 19, 5:00 PM bago ang Family Feud sa GMA.
