Around GMA

Cloudy skies, rain over parts of PH on first day of 2026 — PAGASA
Separate fires hit over 10 structures in Bacolod City
Heart Evangelista teases new project on social media

Article Inside Page

Showbiz News

Sa 44 years na pananatili ni Ms. Maricel Soriano sa showbiz, bihirang bihira lang daw niya pinapanood ang kanyang TV shows and films. Alamin kung bakit.
By MICHELLE CALIGAN
Sa 44 years na pananatili ni Ms. Maricel Soriano sa showbiz, bihirang bihira lang daw niya pinapanood ang kanyang TV shows and films. Kahit nga daw ang playback pagkatapos ng isang take ay ayaw niyang makita kahit anong pilit pa sa kanya ng kanyang mga katrabaho.?

"Kunwari katatapos lang ng take namin, tatanungin ako ni Direk Andoy,

Direk Andoy: 'Napanood mo ba?'
Maricel:  'Oo, ganda.'
Direk Andoy: 'Ano pa?'
Maricel: 'Maganda!'
Direk Andoy: 'Elaborate mo pa, expound mo, papano?'
Maricel: 'Hindi ko pinanood.'
Direk Andoy: 'Bakit hindi ka manood?'
Maricel: 'Ayoko. Huwag mo akong pipilitin, baka hindi natin matapos ang taping na ito (laughs)'".

Ang kuwentong Diamond Star nang aming siyang makapanayam sa set ng Ang Dalawang Mrs. Real. Call na daw ng direktor kung good or bad take ang kinunang eksena.

"He is the director, he should know what's better. Hindi ako nanonood, kasi sasabihin ko 'Direk, puwede ba nating ulitin?' Eh bukas pa tayo matatapos niyan. Mamimihasa tuloy akong manood. Hindi tayo matatapos, walang ieere. Bakit walang ieere? Kasi nakialam si Mary. Kasalanan ko na naman!"

Aminado si Maricel na mabusisi siya sa shots kapag napapanood niya ang mga ito, lalo na't nasubukan niyang mag-direct ng kanyang drama special dati. Pero ano ba talaga ang pumipigil sa batikang aktres para hindi panoorin ang sarili?

"Kapag pinanood ko ang sarili ko, ang tingin ko sa sarili ko sa TV, kahit sandali lang, mataba ako. 'Hindi niyo ba nakikita, mataba ako?' 'Mary, hindi ka mataba.' Sasabihin ko, 'Please do not patronize me. Mataba ako.' Tatanungin ko ang sarili ko, 'Anong nangyari? Nagda-diet naman ako. Wala bang nangyari?'"

Dagdag pa niya, "Tapos 15 lbs. ang nadadagdag sa 'yo sa TV. Ang laki nun. Gusto ko ba ng ganun, hindi 'di ba? Sabi nila hindi daw, pero siyempre kalahati ko, iniisip 'Sana tama sila.' Pero ang tingin ko talaga, malaki ako. Worried na naman ako nun, hindi ako makakatulog. Kumakabog ang dibdib ko. Bakit ako ganito kataba?"

Some celebrities are very specific about their angles onscreen. Hindi daw isa si Maricel sa mga artistang ito.

""Ay hindi ako nangengealam diyan! Bakit, live show ba ito? Pictorial ba? Hindi naman, 'di ba? Ano ang pakialam ko kung pumangit ako, eh kailangan 'di ba? Hindi ako nako-conscious sa mga ganyan-ganyan," paliwanag niya.