Around GMA

Article Inside Page

Magkapatid na lubos na magkaiba ang mga personalidad ang bibigyang-buhay nina Will Ashley at Prince Carlos sa upcoming episode ng weekend anthology series na Regal Studio Presents.

Si Will ay si Christian, isang binatang mahilig sa music pero pinu-push ng kanilang ama na maging seaman para kalaunan ay maging kapitan ng barko.

"Matalino ako dito, mabait saka talagang malapit sa dad. Dapat n'yong abangan ito, mga Kapuso, kasi napaka raming exciting na mga eksenang mangyayari. Marami kayong matututunan at mapupulot na aral," pahayag ni Will sa Kapuso Kuwentuhan na ginanap noong January 13.

Iba ang pangarap ni Christian para sa sarili. Imbis na mag-seaman, mas gusto niyang i-purse ang musika.

"Add ko lang sa character ko, sa mga mahilig sa music diyan, makaka-relate din kayo kasi sobrang hilig ko sa music dito," ani Will.

Gaganap naman si Prince bilang Carlo, ang nakakatandang kapatid ni Christian. Hindi siya masyadong nabibigyan ng atensiyon ng kanilang ama dahil nakatutok ito kay Christian. Gayunpaman, very supportive pa rin siya bilang isang kuya.

"Ako naman, hindi ako matalino dito, kabaligtaran ni Will. Ako 'yung kuya ni Will sa 'My Favorite Son.' Very close kami ni Will. Actually, mas close pa kami compared doon dad ko. Like what Will said, maraming lessons na mapupulot so abangan niyo 'yan," lahad naman ni Prince.

Kay Carlo aamin si Christian tungkol sa mga plano niya para sa sarili, bagay na salungat sa pangarap ng kanilang ama para sa kanya.

Paano kaya tatanggapin ng kanilang ama ang desisyon ni Christian?

Huwag palampasin ang "My Favorite Son" sa January 16, 4:35 pm sa Regal Studio Presents.

Samantala, silipin ang ilang eksena mula sa episode sa gallery na ito: