Will Ashley, proud kay Klarisse De Guzman sa 'Bar Boys: After School'
Around GMA
Around GMA
Amihan, easterlies to bring rain, cloudy skies over parts of PH Alleged DI member wanted for murder, frustrated murder killed in clash Heart Evangelista is cool and chic in baggy pantsArticle Inside Page
Showbiz News
Ibinida ng Nation's Favorite Son na si Will Ashley ang acting skills ng kanyang Mowm na si Klarisse De Guzman.
May pahapyaw si Will Ashley sa taping experiences niya sa bago niyang proyekto na Bar Boys: After School.
Sa kalagitnaan ng Sparkle x PBB Mediacon na naganap nitong July 17, ipinagmalaki ni Will ang isa sa co-stars niya sa palabas na si Klarisse De Guzman.
Related gallery: Kapuso housemates sa grand Sparkle x PBB Grand Mediacon
Ayon sa Sparkle star, proud siya sa ipinakitang husay ni Klarisse sa pag-arte kahit first time niyang maranasan ito.
Pahayag ni Will, “Nakakatuwa, sobrang nakakatuwa po. Nung nagkaroon kami ng shoot together ni Ate Klang [Klarisse De Guzman, talagang hindi ko na-feel na first time niya kasi give na give din talaga si Ate Klang. Ang galing as in, sobra.”
Dagdag pa niya, kahit ang direktor nila ay bumilib sa acting skills ng Star Magic artist.
“Maski si Direk Kip [Oebanda], sinasabi niya sa akin na ang galing parang hindi first timer. Aktor si Ate Klang ngayon, ibang version talaga ni Ate Klang 'yung mapapanood n'yo,” pahabol ng Kapuso actor.
Samantala, sina Will at Klarisse ay nagkasama bilang housemates sa recently concluded reality show na Pinoy Big Brother Celebrity Collab Edition.
Sa previous interviews ni Klarisse, matatandaang ipinagmalaki niya si Will sa pagiging mahusay nito sa tasks sa loob ng iconic house.
Naging mag-ina ang kanilang turingan sa loob ng Bahay Ni Kuya at nakilala sila ng marami bilang si Mown [Klarisse De Guzman] at Nation's Favorite Son [Will Ashley].
Related gallery: Celebrity houseguests sa 'Pinoy Big Brother Celebrity Collab Edition'
