Around GMA

Article Inside Page

Hinirang si Sparkle star Will Ashley bilang “Best Actor” sa katatapos lamang na Platinum Stallion National Media Awards 2026 para sa kanyang mahusay na pagganap sa Metro Manila Film Festival 2025 entry na Bar Boys: After School.

Ang Platinum Stallion National Media Awards ay inorganisa ng Trinity University of Asia na naglalayong kilalanin ang mga natatanging mga personalidad at mga programa na naghatid ng mahalaga at makabuluhang ambag sa media at entertainment industry.

Mahusay na ginampanan ni Will ang kanyang karakter bilang si 'Arvin' sa naturang pelikula na nag-uwi rin ng “Film of the Year” sa taong ito.

Kasama pa ng aktor na nagkamit ng parangal ang direktor na si Kip Oebanda bilang “Director of the Year” at ang kapwa cast na si Sassa Gurl bilang “Breakthrough Artist of the Year.”

Source: Bar Boys After School (X)

Marami namang fans ni Will ang nagpaabot ng kani-kanilang mga pagbati sa aktor maging sa buong team ng pelikula.

“Hakot awards. Congratulations sa lahat ng winners ng BBAS,” komento ng isang netizen.

“Congrats sa BBAS Team lalong lalo na kay Nation's Son [Will Ashley] and Direk Kip,” ani ng isang fan.

“So proud of you Arvin Asuncio [Will Ashley],” sabi pa ng isang netizen.

FILM OF THE YEAR! ⚖️✨
Bar Boys: After School WINS BIG at the Platinum Stallion Media Awards 2026!

🏆 FILM OF THE YEAR
Bar Boys: After School - 901 Studios

🏆 DIRECTOR OF THE YEAR - Kip Oebanda

🏆 BEST FILM ACTOR - Will Ashley

🏆 BREAKTHROUGH ARTIST OF THE YEAR - Sassa Gurl pic.twitter.com/lEfLhW8XQy

— Bar Boys: After School (@BarBoysMovie) February 3, 2026

Abala ngayon si Will sa kanyang upcoming series kasama ang kanyang co-housemates sa GMA Network and ABS-CBN collaboration na The Secrets of Hotel 88.

Related Gallery: Meet Will Ashley, The All-Round Star To Watch