'Without You' starring David Licauco at Shaira Diaz, tampok sa I Heart Movies ngayong linggo
Around GMA
Around GMA
NBA: Stephen Curry propels Warriors over Nets Dagan sa Panahon Sayran nato Karong Adlawa December 29, 2025 | Balitang Bisdak The most controversial stories of 2025Article Inside Page
Showbiz News
Kabilang ang 'Without You,' starring David Licauco at Shaira Diaz, sa mga pelikulang mapapanood sa I Heart Movies ngayong linggo.
Isang mapangahas na love story ang hatid ngayong linggo ng digital channel na I Heart Movies.
Mapapanood kasi rito ang Without You na pinagbidahan nina David Licauco at Shaira Diaz.
Si David ay si Axel, isang DJ sa club, habang si Shaira naman ay si Ria, isang call center agent.
College sweethearts ang dalawa at maagang magsasama sa iisang bubong kahit tutol dito ang kanilang mga pamilya.
Smooth-sailing sila noong una, pero habang tumatagal, napapadalas ang pagtatalo nila tungkol sa iba't ibang mga bagay.
Para maisalba ang kanilang pagsasama, susubukan nilang magkaroon ng open relationship o 'yung mananatili silang committed sa isa't isa pero maari silang mag-entertain ng ibang tao.
Maaayos pa ba nina Axel at Ria ang kanilang relasyon?
Abangan 'yan sa Without You, January 3, 8:00 p.m. sa Pinoy Movie Date.
Para naman sa mahilig sa horror movies, nandiyan ang Tiktik: The Aswang Chronicles.
Pinagbidahan ito ni Kapuso Primetime King Dingdong Dantes at written and directed by Erik Matti.
Gaganap dito si Dingdong bilang Makoy, lalaking mapapalaban sa mga aswang na kung tawagin ay tiktik habang pinoprotektahan ang girlfriend niyang buntis.
Abangan ang Tiktik: The Aswang Chronicles, January 1, 8:00 p.m. sa Pinoy Movie Date.
Mapapanood ang I Heart Movies sa channel 5 ng digital TV receiver na GMA Affordabox at GMA Now. Available rin ito sa iba pang digital television receivers.
