Around GMA

Article Inside Page

Muling nagkita ang Kapuso actor na si Xian Lim at ang King of Talk na si Boy Abunda sa episode ng Fast Talk with Boy Abunda ngayong Huwebes, March 02.

Sa nasabing episode, nagkuwento si Xian tungkol sa kanyang naging training para sa kanyang upcoming sports drama na Hearts On Ice kung saan first time niyang makakatambal ang aktres na si Ashley Ortega.

Pero bago pa man sila mag-usap ni Boy, nagpaturo muna on the spot ang TV host kay Xian ng ilang basic routine sa ice skating.

Paliwanag ni Boy, “I wanted to do it because I want people to realize that you trained for it. That it's not easy.”

Matapos ito, dito na ibinahagi ni Xian kung paano siya napili na mapabilang sa cast ng series at ang pinagdaanan niyang training para dito.

Kuwento niya, “I remember when they told me about the show sabi nila, 'Xian it's an ice skating show,' sabi ko, 'Sure ba kayo sa casting? Ako 'yung gusto niyong i-cast diyan?' sabi nila, 'Yeah of course kasi dito sa GMA we like to try different things and go out of the box.' So sabi ko, 'Game sure, I'll take lessons.' Sabi nila, 'Sure ka?,' [sagot ko], 'Yeah I'll do it.'”

Ayon kay Xian, kinailangan niyang maagang magtungo sa mall kung saan may ice skating rink bago pa ito magbukas dahil ayaw niyang makaabala sa ibang mall-goers.

Aniya. “I really have to go before the mall opens, kasi sabi ko there were kids also once the mall opened e, mataas ako so baka matamaan ko sila yeah it's hard.”

Pinuri naman ni Boy si Xian sa pagiging matapang para tanggapin ang role sa serye na para sa batikang host ay katangian talaga ng isang mahusay na aktor.

“You go to the edge not knowing what's gonna happen, playing a skater for example, it's not easy because it's not the world that you're familiar with. Pero ang pagkakaalam ko sa mga aktor, you like these things, you know, getting into the unknown because if you jump to it, doon nangyayari 'yung magic,” Ani Boy.

Sumang-ayon naman dito si Xian. Aniya, ”when you're in that leap of faith, you really have to jump.”

Abangan ang Hearts On Ice, ngayong March 13 na sa GMA Telebabad.

Para naman sa iba pang maiinit na showbiz balita, tumutok sa Fast Talk with Boy Abunda, Lunes hanggang Biyernes, 4:45 p.m. sa loob ng 20 minuto sa GMA Afternoon Prime via television broadcast sa GMA at sa iba pang digital platforms.

SILIPIN ANG POGI PHOTOS NI XIAN LIM SA GALLERY NA ITO: