Around GMA

Article Inside Page

Hindi inaasahan ni Serina (Kazel Kinouchi) at ng driver nitong si Tyrone (Royce Cabrera), na siyang kabit din niya, na mahuhuli ng asawa ni Serina na si Enrico Montaverde (James Blanco) ang kanilang lihim na relasyon.

Sa episode noong Biyernes, July 3, galit na galit si Enrico na hinarap ang dalawa na matapos niyang sundan ang mga ito at malaman na matagal na siyang pinagtataksilan ng dalawa.

Dahil sa galit, sinesante niya sa trabaho bilang driver ng mga Montaverde si Tyrone at binalaan na sisiguraduhin niyang walang tatanggap sa binata sa buong Solmera City upang makapagtrabaho muli.

Sinunod niya namang bantaan ang asawang si Serina kung saan pinalayas niya ito sa pamilya Montaverde at binalaan din sa kaniyang planong annulment ng kasal nila dahil na sa pagtataksil na ginawa nito.

Dahil sa pagkabigla sa mga binitawang salita ni Enrico, agad na nagplano si Serina at hiningi ang tulong ni Tyrone sa planong dispatsahin ang asawa upang hindi matuloy ang mga bantang binatawan nito sa kanila matapos ang pagkakahuli sa kanilang relasyon.

Ngayong Lunes, abangan kung paano matutuklasan ni Mama Bebe (Katya Santos) ang sinapit ni Enrico matapos niyang marinig ang usap-usapan mula sa mga pulis.

Ano sinapit ni Enrico Montaverde? Ano kaya ang susunod na mga kaganapan sa kaniyang pagkakapadpad sa Solmera City matapos siyang matagpuan ni Mama Bebe?

Patuloy na subaybayan ang You're My Favorite Song, tuwing Lunes hanggang Biyernes, 4:00 p.m., pagkatapos ng Kamao sa GMA Afternoon Prime!

Related Gallery: Cast ng 'You're My Favorite Song,' kilalanin!