Around GMA

Article Inside Page

Maraming fans na nakapanood ng Chinese drama na The Heiress Who Won with Brains ang humanga sa karakter ni Linda Walker nang makamit nito ang record-breaking score sa isang mahirap na mock exam. Kaya naman ang ilang fans ay nagme-message sa lead actress na si Zhang Yingfei para makahingi ng karunungan.

“Most of the time in social media, she sees comments, nakita daw niya 'yung mga comment na parang 'yung fans daw nagsasabi na 'Wow! Si Linda Walker, genius pala siya! Pahingi po ng knowledge!' pagbabahagi ni Yingfei, sa tulong ng kaniyang translator, sa Fast Talk with Boy Abunda nitong Lunes, June 15.

Ngunit pag-amin ng Chinese actress, gaya lang din siya ng pangkaraniwang tao at hindi naman talaga genius katulad ng kaniyang karakter.

“Don't worry, I'm just like you. I'm not gifted as well. I'm not smart; I'm not born smart. But it's okay, let's persevere together and strive for the best,” sabi ni Yingfei.

MAS KILALANIN PA SI ZHANG YINGFEI SA GALLERY NA ITO:

Binigyan din niya ng moral support ang fans niyang gustong mag-aral nang mabuti at matuto pa dahil alam niya kung gaano kahirap ito.

“Sabi po niya, na through studies, you have to learn it yourself,” sabi ng translator ni Yingfei.

Bumisita si Yingfei sa Pilipinas para i-promote ang kaniyang show at sinabing maganda ang core values na itinuturo ng The Heiress Who Won with Brains.

“It means na education can change destiny, education can make your lives better. So she really appreciated people who are smart, and of course, through perseverance, they really make themselves better by reading a lot,” sabi ng translator ni Yingfei.

Sa huli, pinasalamatan ni Yingfei ang kaniyang Filipino fans para sa pagmamahal at suportang natatanggap niya mula sa mga ito.

“I will try to do my best to do more roles so that in the future, you may also check it out, and once again, thank you so much and I love you all,” sabi ni Yingfei.

Panoorin ang panayam kay Yingfei dito: