Around GMA

Article Inside Page

Seryoso man sa harap ng camera para sa kani-kanilang mga karakter sa Abot-Kamay Na Pangarap, walang humpay na kulitan moments naman ang mayroon sa set ng serye kapag naka-break time sila sa pagte-taping.

Kamakailan lang, na-prank si Carmina Villarroel ng ilan sa kanyang co-stars na sina Jillian Ward at Chuckie Dreyfus.

Habang naghihintay sa set, si Jillian dapat ang ipa-prank ni Chuckie ngunit agad siyang nabuking ng una.

Kaya naman nagkampihan na lang ang dalawa at mabilis na nagplano kung paano nila ipa-prank si Carmina.

Ang ginamit nila sa pang-good time kay Carmina ay si 'Larry,' ang toy cockroach na paboritong gamitin ni Chuckie kapag siya ay nagpa-prank sa kanyang pamilya.

Sa reel na in-upload ni Chuckie sa Instagram, mapapanood kung paano nila ginulat at tinakot si Carmina gamit ang laruan.

Sulat niya sa caption, “Larry (da ipis) meets Lyneth @mina_villarroel Hahaha! Napag-utusan lang po ako ni @jillian.

Mapapanood na napatayo sa upuan at napahiyaw si Carmina sabay sabing, “OMG… nakakainis… Sabi ko pa naman sa 'yo, Chuckie, thank you ha hindi mo ako ginu-goodtime, hindi mo ako pine-playtime.”

Tingnan ang post na ito sa Instagram

Isang post na ibinahagi ni Chuckie Dreyfus (@chuckiedreyfus)

Sa isang interview, inamin ni Carmina na sobrang takot siya sa mga ipis.

Samantala, patuloy na subaybayan ang karakter nina Carmina, Jillian, at Chuckie sa award-winning series.

Abangan ang susunod na mga tagpo sa Abot-Kamay Na Pangarap, mapapanood tuwing Lunes hanggang Sabado, 2:30 p.m. sa GMA Afternoon Prime.

Maaari ring mapanood ang programa online via Kapuso Stream.

Maaaring balikan ang iba pang episodes ng serye rito: