Around GMA

Article Inside Page

Tuluyan nang nagpaalam si Che Cosio sa kanyang karakter sa award-winning medical drama na Abot-Kamay Na Pangarap.

Sa episode na ipinalabas nitong Biyernes, September 6, malungkot na ibinalita ni Dr. Luke (Andre Paras) na pumanaw na si Dra. Katie, ang karakter ni Che sa serye.

RELATED CONTENT: #AbotKamayNaPangarap: APEX ladies sizzle in their swimwear

Sa Instagram, makikita ang post ng aktres tungkol sa pagpapaalam niya kay Dra. Katie.

Sulat ni Che sa caption, “Rule 1…I sincerely loved Katie Enriquez. What an absolute joy to have been able to be in her shoes!”

Kasunod nito, inilarawan niya ang kanyang karakter, “As an actor it is not often to come across a character so easy to love… It wasn't so much the character but what she stood for that we really loved.”

“Maybe we loved her for her grit, her honesty, her integrity, straightforwardness and choosing to fight for what is right. So maybe we all loved the giant in her. It is my hope that the giant in her inspires the same in us,” pagpapatuloy ng aktres.

“Maraming Salamat, Doc. Paalam at hanggang sa muli,” sulat ni Che sa huling parte ng kanyang post.

View this post on Instagram

A post shared by Che Ramos-Cosio (@chebureche0430)

Nakilala si Dra. Katie sa serye bilang istriktong chief resident sa APEX Medical Hospital na kalaunan ay nagtrabaho rin sa Eastridge Medical Hospital.

Siya rin ang isa sa mga doktor na labis na hinangaan ni Dra. Analyn Santos, ang karakter ni Jillian Ward sa serye.

Panoorin ang reaksyon ni Zoey at iba pang staff sa APEX nung malaman nilang pumanaw na si Dra. Katie sa video sa ibaba:

Patuloy na tumutok sa Abot-Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime. Mapapanood din ang programa online via Kapuso Stream.

Maaari n'yo ring balikan ang iba pang episodes ng serye rito.