Boy Abunda, Bea Alonzo, Atty. Annette Gozon-Valdes, nag-'bardagulan' sa 'Battle of the Judges' mediacon
Photo Inside Page
Photos
Pinainit ng 'Battle of the Judges' judges ang maulang panahon noong Linggo, July 9, nang dumalo sila sa media conference ng ultimate talent competition na first time mapapanood sa Asia via GMA simula July 15.
Present dito sina Boy Abunda, Bea Alonzo, at Atty. Annette Gozon-Valdes, na magsisilbing mga hurado, at si Asia's Multimedia Star Alden Richards na host naman ng programa.
Sa mediacon pa lang, nagpasampol agad ang judges ng kanilang balitaktakan sa 'Battle of the Judges,' kung saan paglalaban-labanin din sila maliban sa mga kalahok.
"I believe in luck," ani ng King of Talk.
"You do?" tanong ni Bea.
Tugon ni Tito Boy, "Of course, I do. Siya kasi hindi naniniwala. Naniniwala ako sa suwerte dahil you can only prepare up to a certain point. Ang pagkakaiba kasi ng palabas na ito, ang difficulty is that nasa entablado singer, ang kalaban sand artist, halimbawa. How do you actually fight? How do you actually go into that battle? Medyo mahirap."
Sundot ng aktres, "Pero, Tito Boy, 'di ako naniniwala sa swerte pero naniniwala ako sa faith and timing."
Dito na nagkainitan ang mga hurado. Sabi tuloy ni Bea, "Nag-uumpisa na kami ni Tito Boy."
Samantala, kahit ganito raw ang format ng palabas, may respeto pa rin sila sa isa't isa.
Paliwanag ni Tito Boy, "But the good thing about us is, I think, at the end of the day, we have so much respect for each other. Ang dami naming disagreements but Annette is the unifying force. Ngayon nga nagpaplano na kami kung anong pagkain sa susunod na taping."
Sa puntong ito, biglang nabaling ulit ang usapan sa kanilang kompetisyon sa 'Battle of the Judges.'
Dugtong na hirit ni Boy, "Or Annette, is it really for real or istilo mo lang 'yon?"
Biro ni AGV, "Let's see kung anong papakain ko sa inyo, joke."
Narito ang ilang kuha mula sa media conference ng 'Battle of the Judges.'
