Around GMA

Article Inside Page

Aminado ang Kapuso theater actor na si Derrick Monasterio na hindi biro ang pressure sa pinakabago niyang serye sa GMA-7, ang 'Beautiful Justice.'

Derrick Monasterio

Sa isang panayam sa grand media conference ng Telebabad soap noong August 27, kahit malakas ang makakatapat nilang programa ay itinuturing niyang isang malaking pribilehiyo ang tiwalang ibinigay sa kanila ng Kapuso Network.

Ang Beautiful Justice rin ang itinuturing niyang one of his biggest projects sa kanyang career.

“One of the (biggest projects I have ever done) siyempre primetime siya 'yung timeslot niya is talagang malakas ang kalaban, so kami 'yung tinapat.”

“For us, it's an honor and privilege, dahil malaki 'yung tiwala nila sa amin.”

Ramdam man niya ang matinding pressure, mas gumagaan ito dahil sa dami ng suporta na kanilang tinatanggap.

Wika ni Derrick, “Nakakapressure po pero at the same time okay naman, masaya kami kasi maraming kaming support from PDEA, from our Kapuso.

“Magagaling 'yung team namin, mga stuntman, si Direk Mark (Reyes) sobrang passionate sa project na ito and 'yung buong team lahat ng actors talagang makikita mo 'yung intensity nila.”

Kakaiba din daw ang ginawang treatment ng kanilang director sa Beautiful Justice na si Mark Reyes na third time niya nang makakatrabaho.

Aniya, “Ito 'yung first na aksyon kasi usually puro drama or fantaserye, pero ito 'yung first aksyon, so iba 'yung attack niya pag aksyon.”

Catch the world premiere of Beautiful Justice on GMA Telebabad this coming September 9.

BEHIND-THE-SCENES: Pictorial of the drama-action series 'Beautiful Justice'

IN PHOTOS: Grand media conference of 'Beautiful Justice'