Around GMA

Article Inside Page

Sinabi ni Barbie Forteza na iba ang karakter niya sa Beauty Empire na si Noreen Alfonso, ang rags-to-riches CEO na maghihiganti sa mga gumawa sa kanya ng mali.

Ayon kay Barbie, makaka-relate pa rin ang mga manonood ng Beauty Empire kahit na executives ang ginagampanan nilang karakter.

Aniya, "Ang istorya namin ay punong-puno ng puso at pagmamahal sa pamilya. With beauty and fashion at its core, we will tackle murder mystery, love for family, revenge."

Si Kyline Alcantara naman ay humuhugot sa personal niyang mga karanasan bilang si Shari De Jesus na isa ring CEO ng sarili niyang skincare and beauty brand.

Saad niya, "I approached it with a combination of my personal life and the character's experiences. 'Yung heartbreak, 'yung mga experience ko sa buhay, makakadagdag din naman sa pag-atake sa isang karakter."

Mentor ni Shari si Velma Imperial, ang orihinal na girl boss ng Philippine beauty industry sa Beauty Empire, na gagampanan naman ni Ruffa Gutierrez.

Bilang dating beauty queen, aminado si Ruffa na naka-relate siya sa karakter niya. Paliwanag niya, "Because Velma is, you know she's a very ambitious and powerful woman, and yet, behind that, she's very soft. Nagmahal, nagkaroon siya ng heartbreak, and I think, me as Ruffa, marami na rin akong heartbreak na pinagdaanan sa buhay ko."

Si Sam Concepcion naman ang gaganap na Migoy, ang pulis na kababata ni Noreen. Ayon kay Sam, marami siyang na-experience na firsts sa Beauty Empire.

Aniya, "It's been a really great experience being here, working with the team, working with such generous and talented actors."

Kasama rin sa Beauty Empire sina Gloria Diaz, Choi Bo-min, Chai Fonacier, at Sid Lucero.

Panoorin ang buong report ni Aubrey Carampel sa 24 Oras:

Ang Beauty Empire ay collaboration sa pagitan ng GMA, Viu, at CreaZion Studios.