'Bilangin ang Bituin sa Langit,' balik telebisyon na sa December 7
Around GMA
Around GMA
Magna Carta of Filipino Seafarers: What It Means for Those Who Live Life at Sea PAGASA: Isolated rains over parts of PH, HPA ridge extends over Northern Luzon GMA Kapuso Foundation, namahagi ng tulong sa mga apektado ng mahal na langis sa Mt. Province sa ilalim ng Operation Bayanihan Project | 24 OrasArticle Inside Page
Showbiz News
Bago mapanood ang all-new episodes ng 'Bilangin ang Bituin sa Langit,' balikan muna ang mga episode na kinasabikan kinainisan at nagbigay kilig sa ating lahat.
Hindi n'yo ba nasimulan ang Bilangin ang Bituin sa Langit? O may nalampasan kayong mga maiinit na eksena?
Huwag mag-alala dahil simula December 7, mapapanood n'yo nang muli ang mga eksena na kinasabikan kinainisan at nagbigay kilig sa ating lahat sa GMA Afternoon Prime.
Pinangungunahan ng nag-iisang Superstar ng Pilipinas na si Ms. Nora Aunor, bilang ina ni Nolie na si Cedes, ito ay ang TV adapdation ng pelikulang Bilangin ang Bituin sa Langit na pinagbidahan niya noong 1980s kasama si Tirso Cruz III.
Sa pelikula, ginampanan ng Superstar ang role ng mag-inang Noli Dela Cruz at Maggie Zulueta, na binibigyang buhay naman ngayon nina Mylene Dizon at Kyline Alcantara sa TV adaptation.
Dahil sa COVID-19 pandemic, natigil ang produksyon ng Bilangin ang Bituin sa Langit noong March. Matapos ang ilang buwang quarantine, sama-samang hinarap ng mga bida nitong sina Ms Nora, Mylene, at Kyline ang "new normal" nang magkaroon sila ng 'lock-in taping' sa San Mateo, Rizal.
Kasama rin nila sa taping sina Zoren Legaspi, Ina Feleo, Gabby Eigenmann, Yasser Marta, Candy Pangilinan, Isabel Rivas, at Divina Valencia, na nauna nang napanood noon. May mga bagong character din na aabangan sa all-new episodes ng Bilangin ang Bituin sa Langit tulad nina Carlos Agassi at Joel Palencia.
Siguradong aabangan ang mga karakter nina Carlos Agassi at Joel Palenica sa pagbabalik ng 'Bilangin ang Bituin sa Langit.' / Source: carlosagassi
Huwag palampasin ang pagbabalik telebisyon ng Bilangin ang Bituin sa Langit simula December 7, Lunes hanggang Biyernes, sa GMA Afternoon Prime pagkatapos ng Prima Donnas.
