Around GMA

Article Inside Page

Binalikan ng Kapuso actress na si Kyline Alcantara ang araw na unang beses niyang nakita ang batikang director na si Laurice Guillen, ang direktor ng hit afternoon series na Bilangin ang Bituin sa Langit.

Ayon kay Kyline, hindi niya malilimutan ang una nilang pagkikita dahil na-intimidate siya kay Direk Laurice.

"Nung na-meet ko si Direk Laurice, for the very first time, I was so intimidated by her and nape-pressure ako, of course, dahil kasama ko siya, siya 'yung magiging direktor namin," sagot ni Kyline.

Dagdag niya, hindi rin malilimutan ni Kyline ang mga eksena nila ng nag-iisang Superstar na si Nora Aunor.

Mag-lola ang karakter nina Kyline at Ms. Nora na sina Maggie at Cedes.

Dagdag niya, "Well, lahat naman ng scenes ko with Ms. Nora, memorable siya.

"Siguro 'yung scene na first time ko siyang nasigawan, kasi natatakot akong sigawan si Ms. Nora.

"Pero lahat 'yun, lahat 'yun favorite ko."

Bukod kay Kyline, binalikan rin nina Yasser Marta, Ina Feleo, at Gabby Eigenmann ang kanilang mga masasayang eksena sa set.

Panoorin:

Mapapanood na mamaya ang finale episode ng Bilangin ang Bituin sa Langit sa GMA Afternoon Prime pagkatapos ng Babawiin Ko Ang Lahat.

Para sa mga Kapuso abroad, mapapanood ang Bilangin ang Bituin sa Langit sa GMA Pinoy TV. Pumunta lamang sa gmapinoytv.com para sa ibang detalye.