Around GMA

Article Inside Page

Napahanga ni Matteo Guidicelli ang mga kasamahan niya sa upcoming full action series na Black Rider.

Ipinamalas kasi ni Matteo ang kanyang skills sa drifting, o 'yung sadyang pagpapadausdos ng sasakyan nang patagilid habang paliko, sa isang eksenang kinukunan nila para sa serye.

Ang actor-TV host mismo ang gumawa ng stunt na ito para sa isang chase scene sa Black Rider.

"Magkakapalitan ng putok. Pagka palitan ng putok, may gagawing strategy si Matteo para ma-conquer nila 'yung boys na mga humarang sa kanila," paliwanag ni Richard Arellano, second unit director ng serye.

Tiwala naman si Richard sa kakayanan ni Matteo kaya hinayaan niyang gawin nito ang stunt.

"Definitely, si Matteo kasi, skilled 'yan sa driving 'di ba? Bata pa 'yan, kumakarera na 'yan," lahad niya.

Nagtitiwala rin si Matteo sa fight director na si Erwin Tagle na kasama niya sa set. Nandoon din ang co-star niyang si Raymart Santiago.

"Salamat kasama ko 'yung best stunt director and of course the best action star so sila na bahala diyan," aniya.

Bukod sa mga ito, nagtitiwala rin si Matteo sa sarili niyang kakayanan.

"Bata pa 'ko, nagsimula ako [as a] race car driver," kuwento ng aktor.

"Basta mga kotse, mga barilan, mga kutsilyo, okay naman tayo," dagdag pa niya.

SILIPIN ANG STAR-STUDDED CAST NG BLACK RIDER DITO:

Ang Black Rider ay kuwento ng isang simpleng delivery rider na magiging bayani ng lansangan at haharap sa isang malaking sindikato.

Pagbibidahan ito ni Kapuso Action-Drama Prince Ruru Madrid, kasama sina Matteo Guidicelli, Katrina Halili at marami pang iba.

Panoorin din ang drifting stunt ni Matteo Guidicelli sa Black Rider dito:

Abangan ang Black Rider, soon on GMA Telebabad.