Around GMA

Article Inside Page

Hindi lang sa ratings kundi pati online ang pag-arangkada ng full action series na Black Rider.

Umani ang progama ng mahigit 1.5 billion views across all social media platforms.

Tingnan ang post na ito sa Instagram

Isang post na ibinahagi ni GMA Public Affairs (@gmapublicaffairs)

Bukod diyan, marami pang ibang milestones ang programang Black Rider.

Ito ang ang nag-iisang action series ng Pilipinas na pinarangalan sa 2024 New York Festival TV & Film Awards kung saan nakuha nito ang bronze medal para sa Entertainment Program: Drama category.

Mahigit 200 na kilalang personalidad at mga batikang artista ang naging bahagi ng serye, kabilang sina K-drama actor Kim Ji Soo, veteran action stars Philip Salvador, Jestoni Alarcon, at Jeric Raval, award-winning actresses Yayo Aguila at Rita Avila, at maging si Department of Interior and Local Government Secretary Benjamin Abalos Jr.

Umabot na rin sa mahigit 180 action-packed at buwis buhay na episodes ang serye kung saan daan-daang kriminal at gang members ang bumangga at itinumba ng nag-iisang primetime action hero at bida ng serye na si Ruru Madrid.

Nakuha rin ng Black Rider ang all-time high nito sa ratings noong July 19, 2024 na nakapagtala ng 15.2 na combined ratings mula sa GMA-7, GTV, at Pinoy Hits ayon sa Nielsen Philippines.

Patuloy na panoorin mga parating na episodes ng 2024 New York Festivals bronze medalist at 2024 Gandingan Awards Most Development-oriented Drama Program na Black Rider!

Ang Black Rider ay kuwento ng isang simpleng delivery rider na magiging bayani ng lansangan at haharap sa isang malaking sindikato.

Walang magpapaiwan sa papalapit na heroic finale ng full action series na Black Rider, Lunes hanggang Biyernes, 8:00 p.m. sa GMA Prime.

May simulcast ito sa digital channel na Pinoy Hits at may delayed telecast naman sa GTV, 10:00 p.m.

Maaari rin itong mapanood via livestream sa Kapuso Stream.