
Magkakaroon ng espesyal na partisipasyon sina Mico Aytona at Elle Ramirez ngayong linggo sa Bolera.
Gagampanan nina Mico at Elle ang billiards players ng Team Visayas na sina Felix at Macy na kilala sa mundo ng billiards bilang "Magic Man of Cebu" at "Amazing Macy."
Sa teaser na inilabas ng Bolera ngayong araw, August 2, ipinakilala ni Miguel (Rayver Cruz) sina Felix at Macy kay Joni (Kylie Padilla) bilang ang "pinakamagagaling na players sa Visayas."
Matapos na maipanalo ang Mixed Doubles laban kina Golden Eye (Klea Pineda) at Striker X (Xavier Gomez), kakatawanin nina Joni at Miguel ang Team Luzon para sa National Mixed Doubles 9-ball Championship na gaganapin sa Cebu.
Maipanalo kaya nina Joni at Miguel ang susunod nilang laban?
Abangan sina Miko at Elle sa huling apat na Linggo ng Bolera, Lunes hanggang Biyernes, 8:50 p.m. sa GMA Telebabad.
KILALANIN ANG CAST NG BOLERA RITO: