Around GMA

Article Inside Page

Hinimay-himay ng vocalist at vlogger na si Nephi Acaling ang viral performance ng Bubble Gang star na si Michael V. na gumagawa ng ingay sa social media, dahil sa kaniyang latest parody song na “Gusto Ko Nang Bumigay.”

Nitong Biyernes ng gabi (November 25), napanood ng lahat sa anniversary special ng Kapuso gag show ang funny version ni Direk Bitoy ng “Gusto Ko Nang Bumitaw” na kanta ni Morisette.

At this writing may mahigit sa 6.4 million views na ito sa Facebook at nai-share na nang 47,000 times na rin.

Sa reaction video ni Nephi sa channel niya na “Nephi Axe”, pinuri niya ang singing skills ng award-winning Kapuso comedian.

Sabi niya sa performance, “Impressive 'yung vocals niya, nagpapatawa siya pero mahirap 'yung ginagawa niya na falsetto. C sharp Five 'yun, 'yung ginagawa niya mataas 'yun sa totoo lang. Fifth octave siya and 'yun 'yung parang na-o-overshadow ng talent nila sa pagpapatawa.

“Minsan na-o-overlook natin 'yung fact na marunong sila kumanta. Wala lang sinabi ko lang para maremind tayo.”

Dagdag ng YouTuber, “Sobra ako natuwa doon, grabe hindi ko inexpect na mapapabilib ako sa vocals niya. Guys, same key yata with Morisette's version. Kaya nakaka-impress and nakakatawa.

“Kaya siya lalo nakakatawa, siya mismo, hindi siya natatawa sa ginagawa niya. Seryoso siya. Samantalang tayo, mamatay-matay na. Grabe, ang galing mo Michael V.!”

Nakaka-touch at may hugot din daw ang lyrics ng kanta na “Gusto Ko Nang Bumigay” na sinulat mismo ni Michael V..

“So much respect for you and thank you for this song. Kahit papaano, may hugot 'yun ah, may tusok 'yun sa puso ng mga closeted diyan, alam mo 'yun?” ani ni Nephi.

Tingnan ang full reaction video na niya below:

TAKE A LOOK AT SOME OF THE MOST MEMORABLE PARODY SONGS OF MICHAEL V IN THIS GALLERY: