EXCLUSIVE: Unang pasilip sa naging chemistry nina Stacy at Julio sa 'Daddy's Gurl'
Photo Inside Page
Photos
Mapapa-'Oxygen, please!' kayo sa kilig at tawanan sa unang episode ng 'Daddy's Gurl' sa buwan ng Marso, dahil makakasama ng Team Office at Team Bahay sa unang pagkakataon ang real-life boyfriend ni Maine Mendoza na si Arjo Atayde.
Sa panayam ni Arjo sa 24 Oras last week, ibinahagi niya kay Nelson Canlas na special moment para sa kanilang dalawa na nagkasama sila sa isang project.
Paliwanag ng TV and movie actor, “I'm very happy that I got to work with her again and again it's on her birthday, so it's extra special to me. And building memories with her, so this is all the memories together we are building, and I'm very happy. Hindi ko ma-explain Sir Nelson talagang, yeah! Parang finally I got to work with her.”
Eksklusibong nakakuha ang GMANetwork.com ng ilang highlights na mangyayari sa Daddy's Gurl sa darating na March 6, kung saan kitang-kita ang chemistry nina Maine at Arjo.
Gagampanan ng Kapamilya actor ang role ni Julio na may-ari ng TEAnodonna na magiging kakumpetinsya ng coffee business ni Stacy na Padyak Barak.
Tignan ang mga aabangan moments nina Stacy at Julio sa 'Daddy's Gurl' sa gallery na ito.
