Around GMA

Article Inside Page

Bida sa bagong kuwento ng Daig Kayo Ng Lola Ko ang ating mga pinakamamahal ina na tiyak kukurot sa puso n'yo.

Sa magical adventure na 'InvisiBelle', gagampanan ng prized Kapuso drama actress na si Glaiza De Castro ang role ng isang ulirang at masipag na nanay na si Belle.

Bagong lipat lamang ang pamilya ni Belle, isang proud mommy nina Dennis (Seth dela Cruz) at Kiko (Raphael Landicho) at asawa ni Sonny (Betong Sumaya).

Masasabing perfect nanay si Belle, 'yun nga lang hindi masunurin ang mga anak niya, Mahirap silang utusan pagdating sa gawaing bahay.

Ang hindi nila alam, may mga duwende na nakikita sila na nagambala ang tahimik na pamumuhay nang magulo nina Dennis at Kiko ang kanilang tinitirahan.

Isa sa mga duwende na si Tingting (Melbelline Caluag) ang makakapansin sa pakikitungo ng pamilya ni Belle sa kaniya na hindi na-appreciate ang mga bagay na ginagawa nito para sa kanila.

Dahil dito, maiisip ng duwende na turuan ng leksyon ang pamilya ni Belle, para maipaalala sa kanila na pahalagahan ang kanilang ilaw ng tahanan.

Ano kaya ang plano ni Tingting kay Mommy Belle?

Yayain ang buong pamilya na manood ng Mother's Day special na handog ng Daig Kayo Ng Lola Ko kung saan bida sina Glaiza De Castro, Betong Sumaya, Seth dela Cruz, at Raphael Landicho.

Makakasama rin sa kuwento ng 'InvisiBelle' sina Melbelline Caluag at Carlo San Juan na gaganap na mga dwarves na sina Tingting at Tangtang.

Sundan ang all-new episode na ito ng award-winning weekly-magical anthology simula ngayong May 7, bago ang Happy ToGetHer.

BALIKAN ANG ILAN SA MEMORABLE ROLES NI GLAIZA DE CASTRO DITO: