Around GMA

Article Inside Page

Kapupulutan ng aral ang kwelang kwento tungkol sa buhay-estudyante at buhay-pamilya ang mapapanood sa all-new episode ng Dear Uge na pinamagatang "My Steph Ma'am" ngayong Linggo.

Tampok dito si Ysabel Ortega na gaganap sa papel na Anna, isang college freshman.

Photo by Carlo Del Prado

Gaya ng ibang estudyante, may kinaiinisang guro si Anna at iyan ang terror teacher na si Stephanie Tuazon (LJ Reyes).

Hatest teacher ni Anna si Ma'am Steph dahil super strict ito lalo na sa pagbibigay ng grades.

Photo by Carlo Del Prado

Mabubunutan lang ng tinik sa dibdib si Anna kapag lumipat ng school si Stephanie.

Luckily, madidinig ang wish ni Anna. Pero ang kapalit nito, mas malala pa sa kanyang inaakala dahil si teacher ay girlfriend pala ng kanyang Daddy Paul (Wendell Ramos).

Photo by Carlo Del Prado

Sa tulong ng kanyang Yaya Josie (Tess Antonio), gagawa ng paraan si Anna para ma-"cancel" si Stephanie sa kanilang buhay for good.

Photo by Carlo Del Prado

Magtagumpay kaya siya sa kanilang evil plan? At anong pag-a-adjust at pagdidisiplina ang gagawin ni Paul sa spoiled brat niyang anak para matanggap nito si Steph na potential stepmom niya?

Photo by Carlo Del Prado

Paniguradong riot ang katatawanan at kuwentuhang 'yan sa Dear Uge, kasama si Eugene Domingo bilang Nella Bratinella.

Kaya tutukan 'yan ngayong Linggo, August 22, 3:00 p.m., pagkatapos ng 'Pacquiao vs. Ugas: The Legend vs. The Olympian' sa GMA.

Samantala, tingnan ang glow up transformation ni Ysabel Ortega rito: