Around GMA

Article Inside Page

Kinumpirma ni Ruru Madrid sa interview kay Aubrey Carampel ng GMA Integrated News na muli siyang mapapanood sa inaabangang Encantandia Chronicles: Sang'gre.

Noong Encantadia 2016, napanood si Ruru bilang Ybrahim, ang ikaapat na rama o hari ng Sapiro. Naging love interest siya rito ng 2016 Sang'gres na sina Kylie Padilla bilang Amihan at Gabbi Garcia bilang Alena.

"Makikita n'yo po ako riyan sa Sang'gre. Nag-taping ako kasama ko 'yung mga dating Sang'gre--si Kylie, Gabbi," sabi ni Ruru.

Makakasama ni Ruru sa pagbabalik sa Sang'gre ang 2016 Encantadia actors na sina Kylie Padilla, Gabbi Garcia, Sanya Lopez, Glaiza de Castro, at Rocco Nacino.

"I'm very grateful to be part of this project. Nakaka-excite, actually, na muling masilayan ang mundo ng Encantadia," ani Ruru sa pagbabalik sa Sang'gre.

Bukod dito, excited din si Ruru na makita sa Encantadia Chronicles: Sang'gre ang girlfriend at bagong henerasyon ng Sang'gre na si Bianca Umali bilang Terra, ang bagong tagapangalaga ng Brilyante ng Lupa.

"Hindi lang 'yon, at masilayan ang napakagandang bagong Sang'gre na si Bianca. Sobrang proud ako kasi dalawang taon po niya itong pinaghirapan," dagdag ng aktor.

Abangan si Ruru Madrid sa Encantadia Chronicles: Sang'gre soon sa GMA Prime.

Samantala, napapanood ngayon si Ruru sa Lolong: Pangil ng Maynila, Lunes hanggang Biyernes, 8:00 p.m. sa GMA Prime.

Panoorin ang teaser ng Encantadia Chronicles: Sang'gre sa video na ito:

SAMANTALA, TINGNAN ANG MGA EKSENANG IPINASILIP SA BAGONG TEASER NG ENCANTADIA CHRONICLES: SANG'GRE SA GALLERY NA ITO: