Around GMA

Article Inside Page

Muling nakasama ni Gabbi Garcia ang kapwa 2016 Sang'gres na sina Glaiza De Castro at Sanya Lopez sa naganap na grand media conference ng Encantadia Chronicles: Sang'gre noong Linggo, June 8.

Dito, ikinuwento ni Gabbi ang nananatiling magandang samahan ng 2016 Sang'gres kahit siyam na taon na ang lumipas. Magbabalik sa Encantadia Chronicles: Sang'gre sina Gabbi bilang Alena, Glaiza bilang Prena, Sanya bilang Danaya, at Kylie Padilla bilang Amihan.

"From 2016 and now 2025, fast forward nine years later, I can say that there were changes and mayroon din namang nanatili. First, as you can see our costumes are different. Age-wise, I was 17 when we shot Encantadia last 2016. Now, I'm turning 27 this year and nag-iba na rin 'yung buhay naming lahat," kuwento ni Gabbi.

"Pero ang nanatili is the bond, sisterhood, and the relationships that we all four have. And, that is very priceless. That is irreplaceable. No one can ever replace that kind of bond. Sabi ko nga we have such a low maintenance friendship, kaming apat with Kylie.

"Kahit matagal kaming hindi nagkikita, kung magkita kami parang walang nagbago. And that's something that you cannot just get in this industry, and that's what Encantadia brought to us," dagdag niya.

Sa kanyang Instagram, ipinakita ni Gabbi ang ilang behind-the-scene photos mula sa Sang'gre media conference, maging ang fun moments kasama sina Glaiza at Sanya.

View this post on Instagram

A post shared by Gabbi Garcia ♡ (@gabbi)

"2016 Sang'gres. Once a Sang'gre, always a Sang'gre - @direkmark. Sisterhood for life!" caption ni Gabbi sa kanyang post.

Abangan ang pagbabalik ng 2016 Sang'gres sa Encantadia Chronicles: Sang'gre ngayong June 16, 8:00 p.m. sa GMA Prime.

Panoorin ang teaser ng Encantadia Chronicles: Sang'gre sa video na ito:

SAMANTALA, TINGNAN ANG NAGANAP NA MEDIA CONFERENCE NG 'ENCANTADIA CHRONICLES: SANG'GRE' SA GALLERY NA ITO: