Around GMA

Article Inside Page

May maagang pamasko ang highly-rating weekday game show ng GMA na Family Feud Philippines sa inyo. Dahil ngayong December 10, simula na ng auditions para maging studio contestant na maaaring makapag-uwi ng up to PhP200,000.

Narito ang mga kailangang gawin upang makasali:

1. Bumuo ng grupo na may limang miyembro, pamilya man ito o barkada. Ang bawat miyembro ay dapat 18 taong gulang pataas.

2. Ang grupo ay gagawa ng isang audition video na ipapadala sa Facebook page ng Family Feud Philippines via direct message o Messenger.

3. Ano ang dapat gawin sa audition video?

Magpakilala: Pangalan, team name, place of origin/pinagmulan, at trabaho o pinagkakaabalahan.

Sabihin kung bakit niyo gustong sumali at bakit karapat-dapat kayong piliin para maglaro.

Ipakita ang pagiging makulit o masayahin, puwedeng kumanta at sumayaw.

4. Ang audition video ay dapat ay nasa 3 hanggang 5 minuto.

5. Ipapadala lamang ang audition video sa Facebook page ng Family Feud Philippines via direct message o Messenger. Huwag na huwag itong ipo-post sa comments section.

6. Ang mapipiling grupo ay makatatanggap ng mensahe mula sa Family Feud Philippines.

Basahin naman ang Data Privacy Statement na nasa larawan na ito:

Tumutok sa Family Feud, Lunes hanggang Biyernes, 5:40 ng hapon sa GMA. Maaari rin itong mapanood via livestream sa Family Feud YouTube channel at Family Feud show page sa GMANetwork.com.