Around GMA

Article Inside Page

Nilinaw ng newest Kapuso na si Matteo Guidicelli sa Fast Talk with Boy Abunda ang ilang isyu sa pagitan ng kaniyang asawa na si Sarah Geronimo at ng celebrity choreographer na si Georcelle Dapat-Sy o mas kilala bilang Teacher Georcelle.

Pumutok ang isyu sa pagitan nina Sarah at Georcelle matapos idaos ang matagumpay na 20th anniversary concert ng singer-actress nitong Biyernes, May 12, dahil marami ang nakapansin na wala ang dance group ni Georcelle na G-Force sa nasabing concert.

Sa pagsalang ni Matteo sa isang panayam kasama si Boy Abunda, tinanong ni Boy ang actor-host tungkol sa nalalaman niya sa nasabing isyu ng misis at kaibigan nito na si Georcelle.

Ayon kay Matteo, “Sarah and Teacher Georcelle have been together for sixteen years. Sarah wanted to work with G-Force, dancers, and choreographers to have the synergy of greatness together and I guess things just didn't get too planned out,” ani Matteo.

Dagdag pa niya, “Sarah wanted to make greatness kung baga, develop greatness, move forward, and produce beautiful things with everybody since day one.”

Dito na muling nagtanong si Boy. Aniya, “Doon sila hindi nagkaintindihan ni Georcelle?”

Sagot naman ni Matteo, “Maybe, but again, at the end of the day hopefully maayos kung ano man ito.”

“Bilog ang mundo, bilog ang showbiz, at the end of the day magkakatrabaho pa rin tayo,” ani pa ng aktor.

Samantala, mabilis din na nag-trending ang kilig moment nina Matteo at Sarah sa nasabing concert kung saan nagbigayan pa ng halik ang dalawa sa isa't isa sa harap ng maraming manonood.

Para naman sa iba pang maiinit na showbiz balita, tumutok sa Fast Talk with Boy Abunda, Lunes hanggang Biyernes, 4:45 p.m. sa loob ng 20 minuto sa GMA Afternoon Prime via television broadcast sa GMA at sa iba pang digital platforms.

KILALANIN PA ANG NEWEST KAPUSO NA SI MATTEO GUIDICELLI SA GALLERY NA ITO: