Around GMA

Article Inside Page

Ibinahagi ng Kapamilya at Unbreak My Heart actor na si Joshua Garcia sa Fast Talk with Boy Abunda ang kaniyang saloobin tungkol sa pagtawag sa kaniya bilang next John Lloyd Cruz.

Sa kauna-unahang pagkakataon, napanood nang live ngayong Huwebes, sa GMA Network si Joshua sa kaniyang pagsalang sa panayam kasama ang batikang TV host na si Boy Abunda.

Bukod sa kaniyang upcoming series sa GMA na Unbreak My Heart, isa sa pinag-usapan nila ni Boy ay ang madalas na paghahambing sa kaniya sa award-winning actor na si John Lloyd.

Ayon kay Joshua, honored siya na matawag bilang next JLC pero nais niya ring magkaroon ng sariling imahe sa industriya.

Aniya, “I'm honored na matawag na bilang [next] John Lloyd Cruz, nakatulong din siya sa karera ko na tinatawag nila akong ganun pero siyempre nandoon ako sa gusto ko ring i-prove na may sarili ako.”

Agad namang nagtanong si Boy kay Joshua, “But while that is being said, na-bother ka ba o na-flatter?”

“Sobrang flattering e, na parang gusto ko na lang maglaho ng parang bula,” sagot naman ni Joshua.

Kuwento pa ni Joshua, hindi na rin nila napag-usapan ng Happy ToGetHer star na si John LLoyd ang usaping ito.

“Hindi Tito Boy e, everytime na nagkikita kami kumustahan lang,” ani Joshua.

Samantala, mapapapanood na ang Unbreak My Heart na pinagbibidahan nina Joshua, Gabbi Garcia, Richard Yap, at Jodi Sta. Maria sa darating na May 29, 2023.

Ipapalabas ito tuwing Lunes hanggang Huwebes sa GMA Telebabad, Pinoy Hits, at I Heart Movies, 9:35 p.m., at sa GTV naman ay sa oras na 11:25 p.m.

Para naman sa advance streaming, maaari itong mapanood sa May 27, 9:00 p.m. sa GMANETWORK.com, iWantTFC, at Viu.

Patuloy naman na tumutok sa Fast Talk with Boy Abunda pagkatapos ng The Seed of Love sa GMA Afternoon Prime via television broadcast sa GMA at sa iba pang digital platforms.

SILIPIN ANG SWOON-WORTHY PHOTOS NI JOSHUA GARCIA SA GALLERY NA ITO: