Around GMA

Article Inside Page

Pinangalanan ng batikang dance choreographers na sina Geleen Eugenio at Maribeth Bichara ang mga artistang para sa kanila ay pinakamahusay pagdating sa pagsayaw.

Sa episode ng Fast Talk with Boy Abunda ngayong August 28, sumalang sina Geleen at Maribeth sa isang panayam kasama ang batikang TV host na si Boy Abunda.

Bukod sa kanilang buhay choreographer, tinanong din sila ni Boy kung sino sa mga artista ang tingin nila ay pinakamahusay.

Ayon kay Geleen, si Kapuso Primetime Queen Marian Rivera ang para sa kanya ay “total package.”

Aniya, “For me, Marian Rivera is a total package. Projection, tapos hindi lang sexy but very graceful.”

Para naman kay Maribeth, ang Black Rider actress na si Yassi Pressman at TV host-actress na si Maja Salvador ang nakikita niyang mahusay na dancer ngayon.

“I really love Yassi Pressman. She dances so well and since 'yung mga sayaw ngayon ay walang grace na involved so naiiba kasi. And then Maja [Salvador] is also a good dancer,” ani Maribeth.

Pero ayon kay Maribeth, may mga nais pa siyang baguhin sa style ng pagsayaw ng dalawa.

“But given a chance to work with them, I really wanted to change their style,” anang batikang choreographer.

Dagdag niya, “Tatatanggalin ko 'yung stiffness ng sayaw nila at 'yung sobrang sexiness na puwedeng baguhin nang konti.”

Samantala, matatandaan na trending din ngayon ang aktres na si Marian dahil sa kanyang dance videos na patok na patok sa TikTok na umabot na sa milyon ang views.

Patuloy naman na tumutok sa Fast Talk with Boy Abunda sa GMA Afternoon Prime via television broadcast sa GMA at sa iba pang digital platforms