Around GMA

Article Inside Page

Nagpasalamat ang batikang TV host na si Boy Abunda sa pagkilalang natanggap ng programang Fast Talk with Boy Abunda bilang Best Talk Show sa 45th Catholic Mass Media Awards.

Ayon kay Boy, ito ang unang award na natanggap ng kanyang talk show sa loob ng mahigit sa sampung buwan nitong pag-ere simula noong January 2023.

Mensahe ni Boy, “Maraming salamat, Catholic Mass Media Awards, dahil po sa aming unang award. This is our first award and we're celebrating our tenth month dito po sa Fast Talk. Maraming salamat.”

Ibinahagi naman ni Boy ang nasabing pagkilala sa lahat ng bumubuo ng Fast Talk with Boy Abunda. Aniya, “This doesn't belong to me, this belongs to each and every one of you dito sa studio.”

Matatandaan na ang Fast Talk with Boy Abunda,bilang isang multi-platform talk show ay ang isa sa mga nangungunang reliable go-to source ng publiko pagdating showbiz at entertainment updates.

Ang Fast Talk with Boy Abunda ay ang unang programa ni Boy sa GMA simula nan siya ay magbalik bilang isang Kapuso noong December 15, 2022.

Samantala, bukod sa Fast Talk with Boy Abunda, kinilala rin ang marami pang programa ng GMA sa naturang award giving body gaya ng 24 Oras, Maria Clara at Ibarra, at Abot-Kamay Na Pangarap.

Patuloy naman na tumutok sa Fast Talk with Boy Abunda sa GMA Afternoon Prime via television broadcast sa GMA at sa iba pang digital platforms.