Around GMA

Article Inside Page

Hindi nakatakbo sa tanong ni Boy Abunda ang Running Man Philippines cast member na si Lexi Gonzales tungkol sa estado ng relasyon nila ngayon ng boyfriend na si Gil Cuerva.

Sa episode ng Fast Talk with Boy Abunda, game na nakipagkuwentuhan si Lexi sa batikang TV host kasama ang kaniyang co-runners na sina Glaiza De Castro at Buboy Villar.

Sa segment na “Fast Talk” tinanong ni Boy si Lexi, “May umaaligid-aligid kay Gil, ano ang gagawin mo?”

“Sasapakin,” sagot ng dalagang aktres.

Sa pagpapatuloy ng kanilang kuwentuhan, kinumusta ni Boy ang going strong na three-year relationship nina Lexi at Gil.

“How do you sustain this young relationship kayo ni Gil [Cuerva], especially these days?”

Ayon kay Lexi, magaan ang relasyon nila ng nobyong si Gil at suportado nila ang isa't isa sa lahat ng bagay.

Aniya, “I think it's because we're just taking it easy, we're not rushing into things pa naman Tito Boy. So whatever comes to us each day, we just take it together. Pero binibigyan din namin ng chance ang isa't isa to grow on our own. So I think 'yun 'yung importante sa amin.”

“Are you that territorial?” sunod na tanong ni Boy.

“No naman po. I let him go out with his friends whenever he pleases,” paliwanag ni Lexi.

Dagdag pa niya, “Siyempre 'wag naman siyang super wasted ganun. Okay lang kahit sinong leading lady din ang mapili niya to work with it's fine.”

RELATED GALLERY: All the photos that prove Lexi Gonzales and Gil Cuerva make a great couple

<