Around GMA

Article Inside Page

“Ako, personally, I'm far from that.”

Iyan ang naging pahayag ng iBilib host na si Chris Tiu nang tanungin siya kung ano ang reaksyon niya sa bansag na “the perfect man.”

Sa pag-guest nina Chris at Shaira Diaz sa Fast Talk with Boy Abunda nitong Biyernes, May 17, sinabi ng host na si Boy Abunda na nag-survey sila sa community ng show tungkol sa kaniya.

Ani Boy, “Sabi namin, complete the sentence. Ang una, 'iBilib that Chris Tiu is the closest to the concept of being the perfect man.'”

Nang tanungin ang award-winning host kung ano ang reaksyon niya dito, ang sagot ni Chris, “Well, I don't know if it's good that they think of me that way but ako, personally, I'm far from that.”

Paliwanag niya, iyon ay dahil “constantly trying to improve and to get better” pa siya.

“I'm constantly trying to improve and to get better. Marami akong faults, flaws, and things that I'm working on and struggling with,” sabi niya.

Pagpapatuloy ni Chris, “I'm not sure if I want people to think that I'm perfect because I'm far from that, but I guess, thank you.”

RELATED GALLERY: CHRIS TIU'S FAMILY THROUGH THE YEARS:

Ang sumunod na item sa survey ni Boy ay matinik umano si Chris sa babae. Ngunit pag-amin ng former professional basketball player, “Torpe ako e, hindi ako marunong dumiskarte.”

Ayon pa sa kaniya ay parang hindi naman niya naramdaman na malapit siya sa girls kahit noong active pa siyang naglalaro ng basketball.

Pag-amin ni Chris, meron naman konti na “mabibilang lang” na lumalapit, pero sabi niya tungkol dito, “I think they don't gravitate towards me if parang feel nila hindi rin ako 'yung type that will entertain siguro.”

Dagdag pa ni Chris ay deretsahan niya ring sinasabi na meron siyang girlfriend o hindi puwede tuwing may lumalapit sa kaniya noon an girls.