Around GMA

Article Inside Page

Nilinaw ng aktres na si Michelle Vito kung bakit niya pinahinto sa paggawa ng sexy roles ang kaniyang boyfriend na si Enzo Pineda.

Sa Fast Talk with Boy Abunda ngayong Biyernes, game na sumalang sa interview ang celebrity couple.

Sa kanilang kuwentuhan, tinanong ng batikang TV host na si Boy Abunda si Michelle. “Is it true, Michelle, that at one point…pinagbawalan mo mag-sexy si Enzo?”

Agad naman na sumagot ang aktres, “Opo.”

Paliwanag niya, “Siguro sa 'kin, Tito Boy, nakita ko naman na nagawa na niya 'yun ng lahat lahat nung mga gusto niyang gawin. Ang natatakot lang kasi ako na ma-typecast siya, na doon lagi ma-offer. Kasi naririnig ko, nagawa niya na 'to, ta's biglang may offer ulit sa kaniya, ta's may offer ulit sa kaniya. Sabi ko, 'Baka na-ta-typecast ka na.' So, no more na.”

Matapos ito, tinanong naman ni Boy si Enzo tungkol sa klase ng “sexy” roles na kaniyang ginagampanan.

“Enzo, how sexy was sexy?” ani Boy kay Enzo.

“'Yung sexy na 'yun was a bit [more] daring than what we define as sexy. But probably because, Tito Boy, I was very explorative that time as an actor,” wika ni Enzo.

Dagdag pa niya, “Because, I guess, siguro as an actor you won't consider yourself as an actor if hindi ka open sa mga gano'ng klaseng mga roles or projects. At least you need to experience, for me, at least once because that's what acting is all about, it's all about exploring life.”

Si Enzo ay itinanghal na First Prince sa season 5 ng StarStruck sa GMA. Kamakailan ay bumida si Enzo sa pelikulang G! LU kasama ang Kapuso stars na sina David Licauco, Ruru Madrid, Derrick Monasterio, Teejay Marquez, at Kiko Estrada.

Samantala, napanood naman si Michelle sa GMA sa seryeng Lovers/Liars na collaboration project with Regal Entertainment.

Related gallery: Enzo Pineda at Michelle Vito, ready na nga bang mag-settle?