Around GMA

Article Inside Page

Isa sa mga pinakamatagumpay na aktor ngayon ay ang Pulang Araw star na si Alden Richards. Nungit ibinahagi niya na hindi naman siya ambisyoso noon para abutin kung ano ang meron siya ngayon. Inamin din niya na wala siyang kumpyansa sa sarili sa mga panahong iyon.

Sa Fast Talk with Boy Abunda nitong Biyernes, July 26, sinabi ni Alden na kahit pa meron siyang foreign blood dahil sa pagiging Amerikano ng kaniyang ama, kinukwestyon pa rin niya ang kaniyang self-worth.

“During that time, hindi po ako confident in my own skin and parang regardless po if my dad was American, I have foreign blood within me, wala po du'n e. Parang wala po akong confidence e,” sabi niya.

“Hindi po siya na-build nang maayos so I just wanted to be stable and just live by the day and survive every day, ganu'n lang po 'yung mindset ko during that time,” dagdag pa niya.

Samantala, binalikan din ni Alden ang pagsali niya noon sa mga pageant. Para sa Asia's Multimedia star, ang fondest o funniest memory niya sa pagsali ay ang pagsuot ng swimwear.

Una siyang sumabak sa pageantry noong 2008 sa Mister Intramurals ng kanilang school.

Paglilinaw niya, “Wala pong swimwear 'yun kasi Catholic school po 'yun. Nanalo po. Gulat, siyempre.”

“And then, eventually, when I come back to Laguna po to finish my studies in high school, du'n na po ako na-offer-an sumali sa Ginoong Sta. Rosa 2009 and I won. And then after po nu'n, of course the winner of that pageant will represent Sta. Rosa in the nationals which is Ginoong Laguna po, 2010,” kuwento ng aktor.

BALIKAN ANG MALE CELEBRITIES NA SUMALI NOON SA PAGEANTS SA GALLERY NA ITO:

Pagdating naman sa question-and- answer portion, inamin ni Alden na tuwing tinatanong siya tungkol dito ay hindi na niya naaalala kung ano ang mga sinasagot niya.

“Iba 'yung pressure at the moment, 'yung parang in the heat of the moment ka to answer the question. Sometimes, I cannot recall my answers po,” sabi niya.