Around GMA

Article Inside Page

Para kay Shining Inheritance actor Michael Sager, answered prayer ang pagkakakilala niya sa kapwa aktres at TV host na si Cassy Legaspi.

Sa Fast Talk with Boy Abunda nitong Huwebes, December 5, inamin ni Michael na noon ay pinagdarasal niya ang tungkol sa pagmamahal at sinabing minsan na siyang nanalangin na ibigay ni God ang pangalan ng mamahalin niya.

Pag-alala ni Michael sa kaniyang prayer, “Lord, I'm not asking, I'm not expecting, but when it comes to my love life, give me signs.' And you know, siguro the fact that I accepted the peace, na to be single muna, when the right time comes, it happens e, and siguro, that's God's timing.”

“So when He answered that prayer, I met a girl and we developed a good relationship together so si Cassy [Legaspi] po. We're happy naman na being good friends,” pagpapatuloy ng aktor.

BALIKAN ANG ILAN SA MGA JAW-DROPPING LOOKS NI MICHAEL SAGER SA GALLERY NA ITO:

Sa naunang episode ng naturang afternoon talk show ay sinabi na rin ni Michael kung gaano siya kasaya sa pagkakaibigan na meron sila ni Cassy.

Aniya, “I think with Cassy, like we just have something special together. Being friends from Tahanang Pinakamasaya, nag-co-host po kami du'n, to having a Regal Studio Presents episode with her, so it's great being able to work with her and to have her as a friend.”

Matatandaan na unang nagkatrabaho ang dalawa sa dating noontime show na Tahanang Pinakamasaya bilang co-hosts. Samantala, ang unang drama project naman nila Regal Studio Presents: Fishing for Love ay idinerehe ng ama ni Cassy na si Zoren Legaspi.