Around GMA

Article Inside Page

Klaro umano para kina Kapuso couple Lexi Gonzales at Gil Cuerva ang boundaries sa kanilang mahigit tatlong taon na relasyon. Ipinahayag din ng celebrity couple kung gaano ka-importante ang tiwala sa isang relationship.

Sa Fast Talk with Boy Abunda episode nitong Martes, February 11, ibinahagi nina Lexi at Gil kung paano nila itinakda ang kani-kanilang relationship boundaries.

“I think ako din I don't ask so much of his time. If he needs his own personal space, I'd give that. [Boy: Nanghihingi ba siya ng personal space?] Hindi rin naman e. Kasi I guess, hindi ko rin pinagkakait 'yun sa kaniya,” sabi ni Lexi.

Dagdag pa ng aktres ay malaking tulong din sa kanilang relationship na hindi sila parehong seloso, kahit pa may kani-kanilang set of friends sila ni Gil.

BALIKAN ANG ILANG LITRATO NINA LEXI AT GIL NA NAGPAPAKITA KUNG BAKIT SILA ISANG GREAT COUPLE SA GALLERY NA ITO:

Ngunit tanong ni King of Talk Boy Abunda, “Hindi ba delikado na hindi kayo nagseselos? In a good way, because selos is good as long as it is managed properly.”

Sagot ni Lexi, “Hindi naman Tito Boy kasi I think trust in a relationship is very important. If walang trust, I think, dapat wala na rin tayo kasi wala na rin tiwala.”

Sabi rin ni Gil ay wala naman ginawa o ipinakita si Lexi na ikababahala o ikaseselos niya, “She has guy friends who I'm cool with, I've also met some of them. Ako naman, I also have female friends.”

Nang tanungin naman sila ng batikang host kung papayag ba sila na, hypothetically, meron silang best guy friend at best girl friend. Sagot nina Lexi at Gil ay okay lang naman ito, “as long as sila din in their friendship, they have boundaries.”

Pagpapatuloy pa ni Lexi, “If ever na may girl friend siya, and 'yung mga girl friends din naman ni Gil, meron din naman silang respect for me na they take that boundary not to be too close din. Ako din with my friends, ganu'n din ako.”