Around GMA

Article Inside Page

Hindi umano naging madali para kay Jackie Lou Blanco ang magkasunod na pagkawala ng kaniyang ina na si Pilita Corrales at dating asawang si Ricky Davao.

Matatandaan na pumanaw si Pilita noong April 12 sa edad na 85. Namayapa naman si Ricky noong May 2, sa edad naman na 63.

Sa pagbisita ni Jackie sa Fast Talk with Boy Abunda, inamin ng aktres na “by God's grace, by God's love” ay kinakaya niya ang araw-araw. Aniya, may payo pa siya sa kaniyang mga anak para matulungan silang maka-cope.

“I take it a day at a time, which is the same thing I tell my children. 'Let's take it a day at a time, there will be a day when we're okay, the next day, we're not okay, and it's okay.' Because there are no shortcuts to grief,” sabi ni Jackie.

Ngunit pag-amin ng batikang aktres, maaaring naging mas mahirap para sa kaniya dahil hindi maproseso ng kaniyang utak na unang namatay ang kaniyang ina na si Pilita, at ngayon, ang pagkawala naman ng dating asawa na si Ricky.

“It's like there are days I'm thinking of mom and crying for mom, and then after a while, I'm crying for Ricky and crying for my children because I know how hard it is for them and how hard it will be for a long time,” sabi ng aktres.

Nang tanungin naman siya ni King of Talk Boy Abunda kung may nagbago na ba sa pananaw ni Jackie tungkol sa kamatayan, ibinahagi niyang “What I've realized is when you lose a loved one, even with my situation with Ricky, what is left is just love.”

“I don't think of the not-so-good times, I don't think of anything else but what lasts pala talaga is love, both for mom and Ricky. But I think I'm experiencing that more with Ricky because with mom, I didn't have naman a separation of sorts, but with Ricky, I did. Although I'm happy that we got to a point where things were better,” sabi ni Jackie.

BALIKAN ANG CELEBRITIES NA NAMAALAM NA NGAYONG 2025 SA GALLERY NA ITO: