Elle Villanueva, pina-background check si Derrick Monasterio
Photo Inside Page
Photos
Muling nag-guest ang on- and off-screen couple na sina Elle Villanueva at Derrick Monasterio sa Fast Talk with Boy Abunda ngayong January 2, 2024.
Sa kanilang pakikipagkwentuhan sa King of Talk na si Boy Abunda, mas hayagan nilang ibinahagi ang estado ng kanilang relasyon. Matatandaang sauna nilang pagbisita sa programa, wala pang label ang dalawa.
Inamin naman ni Elle ang rason kung bakit hindi nila agad isinapubliko ang kanilang relasyon ni Derrick noon.
Aniya, "Sa totoo lang, natatakot po kami magsabi publicly because hindi ka pa 100 percent sigurado sa nararamdaman mo, hindi ka pa ready. So para sa 'kin, hindi ko pa kaya sabihin."
Ayon sa aktres, kinilala niya munang mabuti si Derrick bago pumasok sa bagong relasyon.
"I made sure sa taong magye-yes ako ay may background check ako...Saka may checklist ako. Lahat may check--gwapo, masunurin, mapagbigay--at meron pang nadagdag kahit 'di ko pa hinihingi."
Dagdag pa ni Elle, "Talagang pina-prioritize niya ako and sometimes I feel so selfish already, parang ako na lang lagi niyang inuuna."
Isang taong walang label sina Derrick at Elle.
Ayon kay Derrick, natutunan niya mula sa kanyang past relationships na huwag magbitaw ng salita hangga't hindi siya sigurado.
Ika niya, "Before kasi parang napa-publicize na yung relationship ko tapos parang I feel iisipin ng tao na ayan na naman si Derrick. So parang ngayon, mararamdaman mo na sure ka na with all the decisions that you're making. Lahat ng financial, relationship, religion, craft...check lahat e. Lahat do'n gusto ko toward improvement and because of her yon and sabi ko, eto na 'yung tao na 'to."
Narito ang relationship timeline nina Derrick at Elle.
