Glaiza De Castro at David Rainey, magkaka-baby na?
Photo Inside Page
Photos
Sa August 17, 2024 episode ng 'Running Man Philippines 2,' nagpahula ang Pinoy runners na sina Glaiza De Castro, Angel Guardian, Kokoy De Santos, at Mikael Daez sa pamamagitan ng Saju reading o tradisyonal na Korean fortune telling kung saan binabasa ang kapalaran ng tao ayon sa kanyang birth date at oras ng kapanganakan.
Isa sa mga hinulaan si Glaiza De Castro. Bukod sa kanyang kapalaran sa 'Running Man Philippines 2,' nagbigay ng prediksyon ang Saju Master na si Park Seong-jun tungkol sa personal na buhay ng aktres.
Ayon sa manghuhula, malakas ang enerhiya na magkakaanak na si Glaiza at ang kanyang asawang Irish na si David Rainey bago matapos ang taon o sa susunod na taon.
HIningan naman ng reaksyon ni Boy Abunda ang aktres tungkol dito nang mag-guest ito sa 'Fast Talk with Boy Abunda' noong Huwebes, September 5, kasama ang kapwa niya runners na sina Buboy Villar at Angel Guardian.
Sa palagay ni Glaiza, "Parang feeling ko 'di na this year kasi ang bilis ng oras."
Sundot niyang biro, "Baka bukas."
Ayon kay Glaiza, hindi niya nakasanayang magpahula pero hindi rin masama kung paniniwalaan niya ito.
Aniya, "Parang it's exciting lang to hear na parang nagma-match din naman siya sa plans namin ni David, so I think it's just parang nakikita ko na positive thing din siya to hope and to believe na, 'Uy, manifest natin sige. Mangyayari 'yan.'
Kung sakaling mabiyayaan na sila ng anak ni David, gusto raw ni Glaiza na baby girl ang kanilang panganay.
