Around GMA

Article Inside Page

Kasalukuyang nagpapagaling ang young actor na si Josh Ford matapos ang kinasangkutan nilang car accident ng kapwa Sparkle artist na si Andrei Sison.

Matatandaan na nito lamang March 24 nang pumutok ang balita na naaksidente ang sinasakyang auto nina Josh at Andrei kasama ang kanilang mga kaibigan na sina Paulo Bueza at Arman Velasco sa Matandang Balara, Quezon City.

Sa kasamaang palad, idineklarang dead on arrival sina Andrei, Paulo, at Arman nang isugod sila sa ospital.

Ayon sa isang report, sasampahan ng kasong reckless imprudence resulting in multiple homicides, serious physical injury, at damage to property ang driver ng isang sasakyan na si Jeremiah Lopez na naka-engkwentro ni Josh at mga kaibigan niya.

Ilang araw naman matapos ang nangyaring aksidente, ibinalita ngayon ng TV host na si Boy Abunda sa kaniyang programa na Fast Talk with Boy Abunda na nakauwi na sa kaniyang tahanan si Josh upang tuloy-tuloy na magpagaling at mag-undergo ng counseling.

“The lone survivor of this accident na si Josh Ford ay nakauwi na po sa kanilang bahay. He is now at home recuperating and he will be seeking professional counseling to get over this traumatic experience,” saad ni Boy.

Para naman sa iba pang maiinit na showbiz balita, tumutok sa Fast Talk with Boy Abunda, Lunes hanggang Biyernes, 4:45 p.m. sa loob ng 20 minuto sa GMA Afternoon Prime via television broadcast sa GMA at sa iba pang digital platforms.